Saakašvili pachvaliŭ Zialenskaha: Pacan skazaŭ — pacan zrabiŭ
Eks-prezident Hruzii Michaił Saakašvili paabiacaŭ, što prezident Uładzimir Zialenski «jašče ździvić» ukraincaŭ. Pra heta Saakašvili zajaviŭ paśla viartańnia va Ukrainu ŭ aeraporcie Baryspal.
«Ja viedaŭ mnohich prezidentaŭ, hety niaprosty chłopiec, jon jašče ŭsich ździvić, u mianie niuch», — zajaviŭ Saakašvili.
Taksama Saakašvili pachvaliŭ Uładzimira Zialenskaha za toje, što toj strymaŭ słova i viarnuŭ ukrainskaje hramadzianstva eks-prezidenta Hruzii.
«Heta čałaviek, u jakoha słovy nie razychodziacca sa spravaj. Paśla pieršaha tura jon skazaŭ, što mnie treba viarnuć hramadzianstva, i jon viarnuŭ. Pacan skazaŭ — pacan zrabiŭ. Kropka!» — zajaviŭ palityk.