Sabačyja valsy dla čałavieka-arkiestra
Jurasia Paciupaŭ «Sabaka» uporavień z burłaka‑žybuloŭskaj «Zabi ŭ sabie Sakrata» — samyja viasiołyja paetyčnyja knihi hetaha siezonu.
Jurasia Paciupaŭ «Sabaka» uporavień z burłaka‑žybuloŭskaj «Zabi ŭ sabie Sakrata» — samyja viasiołyja paetyčnyja knihi hetaha siezonu.Akurat dla tych, u kaho na dušy skrabucca katy i kamu karcić pa‑sabačamu skavytać na Miesiac.
Paciupa, jak usiaki realistyčny kanceptuał, padychodzić da spravy pa‑spravavovamu. Pamiatajecca, u pavietry łunała prapanova vydać albom aholenych biełaruskich piśmieńnikaŭ i paetaŭ? Zamiest hetaha absalutna nieździajśnialnaha prajektu Juraś paprasiŭ biełaruskich litarataraŭ i litaratarak usiaho‑tolki namalavać pa adnym sabačku dla jaho zbornika. Uniknuŭšy publičnaha ahaleńnia, ubačyŭšy, što ŭsio abychodzicca biaskryŭdnym malavańniem, litaratary na radaść (ci na hora) čytačam, achvoča pahadzilisia. I kali łaska: ciapier, na postrach darosłym paślaakciabronskaha vieku i ciažarnym eks-pijanierkam, vieršy (navat samyja čałaviečnyja), azdoblenyja malunkami našych najlepšych, ale takich nialudskich siabroŭ, złaviesna brazhočuć sacrealistyčnymi łancuhami, łajucca za kłasičnuju kostku, brešuć na ramantyčnych «pastarońnich», adnym słovam, pakazvajuć svoj postmaderniscki aščer, pavodziačy siabie całkam pa‑sabačamu.
* * *
Juraś Paciupa. Sabaka. Vieršy, ese, paniehiryki. — Minsk: Limaryus, 2008. 350 as. 55 s.