Zialenski źviarnuŭsia da kiraŭnictva Rasii paśla hibieli vajskoŭcaŭ na Danbasie
president.gov.ua
Abvastreńnie kanfliktu na Danbasie — nie lepšy fon dla adnaŭleńnia pieramoŭ u Minsku, zajaviŭ prezident Ukrainy Uładzimir Zialenski. Pavodle jaho słoŭ, padčas niadaŭniaha abstrełu na Danbasie zahinuli troje vajskoŭcaŭ, jašče try čałavieki atrymali ranieńni.
«Chaču źviarnucca da kiraŭnictva Rasijskaj Fiederacyi i kamandavańniu jaje akupacyjnych sił na Danbasie. Abvastreńnie kanfliktu — nie lepšy fon dla adnaŭleńnia pieramoŭ u Minsku. Nam nie treba lišni raz nahadvać pra mahčymaść eskałacyi vašaj ahresii», - napisaŭ Zialenski ŭ svaim fejsbuku.
Jon taksama dadaŭ, što maje namier abmierkavać siońnia «ź jeŭrapiejskimi kalehami» adkrytuju demanstracyju hetaj ahresii. «A ŭkrainskaja delehacyja ŭ Minsku nahadaje ab niedapuščalnaści sprobaŭ dyjałohu z nami z pazicyi siły», — paabiacaŭ prezident Ukrainy.