Ukraina adznačaje 90‑hodździe Sabornaści
22 studzienia — Dzień Sabornaści Ukrainy. Heta śviata adznačajecca va Ŭkrainie ŭ dzień abviaščeńnia Aktu ab uźjadnańni Ukrainskaj Narodnaj Respubliki i Zachodnie‑Ŭkrainskaj Narodnaj Respubliki, što adbyłosia ŭ 1919 hodzie.
22 studzienia 1918 h. u Kijevie byŭ padpisany IV univiersał, pavodle jakoha Ukrainskaja Narodnaja Respublika abviaščałasia niezaležnaj dziaržavaj, a ŭ 1919 h. u hety dzień na Safijskaj Płoščy ŭ Kijevie byŭ abvieščany Akt sabornaści ŭkrainskich ziemlaŭ.
Stahodździami razarvany ŭkrainski narod vyzvaliŭsia ź niavoli — Levabiarežnaja Ŭkraina vyjšła z Rasijskaj, a Pravabiarežnaja — z Aŭstra‑Vienhierskaj impieryj — i ŭźjadnaŭsia na svajoj ziamli ŭ adno
U Kijevie siońnia z udziełam kiraŭnictva krainy projduć śviatočnyja mierapryjemstvy — cyrymonija ŭskładańnia kvietak da pomnika Tarasu Šaŭčenku i palityčnamu dziejaču, historyku Michajłu Hrušeŭskamu. Potym u Kijeŭskim haradskim budynku nastaŭnika projdzie ŭračystaja impreza z nahody Dnia Sabornaści (raniej tam mieściłasia Centralnaja Rada).