Dalar amal dasiahnuŭ miažy ŭ 2 700 rubloŭ
Rasijski rubiel u abmiennych punktach viarnuŭsia na śniežańskija pazicyi. Jaho znoŭ kuplajuć pa 70,00 - 79,00 biełaruskich.
Pavodle vynikaŭ tarhoŭ zamiežnymi valutami 23 studzienia na Biełaruskaj valutna-fondavaj biržy (BVFB) kurs dalara ZŠA vyras na 10 rubloŭ i skłaŭ 2.695 rubloŭ.
Takim čynam za tydzień kurs dalara vyras na 40 rubloŭ (z 2 655 rubloŭ da 2 695, štodnia prybaŭlajučy na tarhach pa 10 rubloŭ).
U jeŭra na hetym tydni najbolšyja chistańni.
Na paniadziełak jaho kurs byŭ ustanoŭleny na ŭzroŭni 3 507 rubloŭ 79 kapiejek, u aŭtorak dasiahnuŭ maksimumu hetaha tydnia – 3526,37, a potym rezka pajšoŭ uniz. Na sieradu jaho kurs byŭ ustanoŭleny ŭ pamiery 3451 rubiel 44 kapiejki, zatym dva dni zapar jon pavyšaŭsia.
Na siońnia jaho kurs byŭ ustanoŭleny na ŭzroŭni 3 494 rubloŭ 53 kapiejki. A na subotu, 24 studzienia, Nacbank ustanaviŭ kurs jeŭra ŭ 3 460 rubloŭ 92 kapiejki. Takim čynam padzieńnie za dzień skłała 33 rubli 61 kapiejku.
Naohuł najvyšejšy kurs jeŭra ŭ Biełarusi byŭ ad 2 da 5 studzienia – 3 703 rubli.
***
Na zaŭtra kurs rasijskaha rubla ŭstanoŭleny na ŭzroŭni 81 rubiel 93 kapiejki, za dzień jon prybaviŭ 7 kapiejek.
U punktach abmieny valuty stanovišča rubla kudy horšaje.
Jon viarnuŭsia, prynamsi jaho pakupka ŭ nasielnictva, na śniežańskija pazicyi.Kuplajuć jaho pa 70,00-79,00 biełaruskich, pradajuć pa 81,30--84,00. Tak, 23 śniežnia jaho možna było zdać pa 75,00-79,00, a nabyć ad 78 biełaruskich.