Situacyja stabilnaja, ale niaprostaja
+ foty Julii Daraškievič
Siaredniaja ŭvachodnaja cana na haz dla Biełarusi składzie 148 dalaraŭ. Pra heta zajaviŭ namieśnik premjer-ministra Andrej Kabiakoŭ na pres-kanfierencyi ŭ Minsku.
Siaredniaja ŭvachodnaja cana na haz dla Biełarusi składzie 148 dalaraŭ. Pra heta zajaviŭ namieśnik premjer-ministra Andrej Kabiakoŭ na pres-kanfierencyi ŭ Minsku.
Napačatku byŭ adznačany stanoŭčy rost ekanomiki krainy za 2008 hod. Rost VUP skłaŭ 10%. Admoŭnyja pakazčyki byli tolki pa dvuch punktach — impart i salda.
«Naturalna, što rost ekanomiki budzie zamarudžany ŭ suviazi z suśvietnym kryzisam. Ciapier my aceńvajem hłybiniu. Najpierš praličvajem navat nie ŭłasnyja mahčymaści, a mahčymaści našych partnioraŭ. Prablemy zaklučajucca nie tolki ŭ padzieńni popytu na pradukcyju, ale ŭ źmianšeńni cenaŭ. Z bytavoha hledžańnia heta dobra, ale nie dla tavaravytvorcaŭ. Ciapier my budziem vymušanyja pradavać pradukcyju nižej sabiekoštu. Heta ciažka chacia b ź psichałahičnaha punktu hledžańnia», — skazaŭ vice‑premjer.
U suviazi z devalvacyjaj šmat chto z handlaroŭ pavialičyŭ ceny na pradukcyju na 20% i bolš.
Pavodle Kabiakova, prezidyum uradu pryniaŭ pastanovu ab praviadzieńni pravierak na cenaŭtvareńnie, chacia ŭ krainie i byŭ abvieščany paŭhadavy maratoryj na pravierki. Tolki ŭ Minsku było vyniesiena kala 50 padobnych administracyjnych papiaredžańniaŭ. «Niekatorym treba ŭpravić mazhi», — rezka zaznačyŭ čynoŭnik.
Acenačnaja siaredniaja cana na haz dla pramspažyŭcoŭ u Biełarusi składzie ŭ 2009 h. 175 dalaraŭ. Pry hetym siaredniaja ŭvachodnaja cana na miažy Biełarusi budzie 148 dalaraŭ za tysiaču kubamietraŭ.
Heta davoli vysokaja. choć i pradkazalnaja ličba: siaredniehadavaja cana dla Ŭkrainy składzie 229 dalaraŭ. Nahadajem, što letaś Ukraina płaciła 178, a Biełaruś — 126 (119—128) dalaraŭ.
Ministr ekanomiki Mikałaj Zajčanka zaznačyŭ, što inflacyja stała bolš chutkaj. Inflacyja ŭ studzieni składzie aryjencirovačna 3,5%. Razam z tym, ułady pakul nie pierahladajuć prahnoz rostu ekanomiki na 11%, jaki byŭ zapłanavany letaś.
Andrej Kabiakoŭ zajaviŭ, što masavych zvalnieńniaŭ na pradpryjemstvach nie budzie.Chacia paćvierdziŭ, što na šerahu pradpryjemstvaŭ jość prablemy z «niapoŭnaj zaniataściu». Premjer‑ministr Sidorski zajmaje pa hetym pytańni žorstkuju pazicyju i kiraŭniki, jakija złoŭžyvajuć hetaj mieraj, mohuć być zvolnienyja.
«Moža być my pojdziem na škodu prybytku, ale treba padtrymlivać ludziej», — havoryć A.Kabiakoŭ.
Taksama vice‑premjer pasprabavaŭ zapeŭnić, što atrymajecca zachavać siońniašni kurs rubla.
Namieśnik premjer-ministra Andrej Kabiakoŭ. Fota Julii Daraškievič
Ministr ekanomiki Mikałaj Zajčanka. Fota Julii Daraškievič