Na zakinutaj terytoryi ŭ Mahilovie ad udaru tokam zahinuli dvoje mužčyn
U Mahilovie 13 červienia dvoje mužčyn atrymali śmiarotny ŭdar tokam, paviedamlaje SK. Incydent adbyŭsia kala 14.30 na zakinutaj terytoryi pradpryjemstva ŭ Mahilovie.
Dvoje mužčyn, 30 i 32 hadoŭ, byli śmiarotna traŭmavanyja elektryčnym tokam. Paciarpiełyja, jakija nie źjaŭlalisia supracoŭnikami pradpryjemstva, u hety dzień pryjšli na terytoryju zavoda dla demantažu kanalizacyjnych trub, kab paźniej zdać ich na mietałałom.
Mužčyny znachodzilisia ŭ tunieli dla absłuhoŭvańnia kamunikacyj. U im jany raniej samavolna praviali elektryčny kabiel. Z-za nienaležnaha vykarystańnia elektraabstalavańnia jany atrymali razrad elektryčnaha toku, ad jakoha pamierli na miescy.