Tramp u tvitary paviedamiŭ pra svaju sustreču z «pryncam kitoŭ». Karystalnikaŭ sacsietak heta raźviesialiła
Prezident ZŠA Donald Tramp sparadziŭ chvalu žartaŭ u sacsietkach praz tvit, u jakim jon raspaviadaje pra sustreču z suśvietnymi liderami, u tym liku «pryncam kitoŭ», piša The Guardian.
U tvicie ad 13 červienia Tramp pachvaliŭsia, što padčas apošniaj zamiežnaj pajezdki mieŭ znosiny z «zamiežnymi ŭradami» štodnia. «Ja sustreŭsia z karalevaj Anhlii, pryncam kitoŭ, premjer-ministram Złučanaha Karaleŭstva, premjer-ministram Irłandyi, prezidentami Francyi i Polščy», — napisaŭ jon.
«Kity» ŭ tvicie Trampa źjavilisia ŭ vyniku niekarektnaha napisańnia słova «Uels», bo na anhlijskaj hetyja dva słovy hučać adnolkava i adroźnivajucca ŭ napisańni ŭsiaho adnoj litaraj — Wales i whales. U vyniku sustreča z pryncam Uelskim Čarlzam pieratvaryłasia ŭ sustreču z «pryncam kitoŭ».
Sacsietki chutka adreahavali na pamyłku Trampa svaimi žartami.