Rabočy ŭ Minsku zvaliŭsia ź piataha paviercha, ale vyžyŭ i navat zmoh pajści dadomu
U Minsku na vulicy Łyńkova rabočy zvaliŭsia z vyšyni piataha paviercha, ale nieŭzabavie zmoh pajści dadomu. Pra heta paviedamiŭ Telegram-kanał Volna.
Telegram-kanał Volna.
Zdareńnie adbyłosia pa adrasie: Łyńkova, 61. Rabočy ŭpaŭ z vyšyni piataha paviercha razam z budaŭničaj lulkaj.
«Lulka ŭščent, a chłopiec abyšoŭsia paraj drapin», — paviedamiŭ Telegram-kanał.
Aficyjny pradstaŭnik Śledčaha kamiteta Ilja Baśko paćvierdziŭ Tut.by infarmacyju pra padzieńnie rabočaha.
26-hadovy mužčyna ramantavaŭ žyły dom, kali budaŭničaja lulka, u jakoj jon znachodziŭsia, abrynułasia ź piataha paviercha.
— Rabočy byŭ traŭmavany, jaho dastavili va ŭstanovu achovy zdaroŭja, akazali miedycynskuju dapamohu i adpuścili dadomu, — paviedamiŭ Ilja Baśko.
Śledčyja razam z pradstaŭnikami Departamienta dziaržaŭnaj inśpiekcyi pracy vyśviatlajuć pryčyny zdareńnia.