Saakašvili vyrašyŭ pajści ŭ Radu, kab «zmahacca, padymać Ukrainu i sadžać»
Były prezident Hruzii i eks-hubiernatar Adeskaj vobłaści Michaił Saakašvili ŭznačaliŭ śpis kandydataŭ na vybary ŭ Viarchoŭnuju Radu ad zasnavanaj im partyi «Ruch novych sił».
Akramia samoha eks-prezidenta Hruzii ŭ śpis uvajšli były namieśnik hienieralnaha prakurora David Sakvarelidze, jakoha Saakašvili nazvaŭ svaim paplečnikam i «vaŭkadavam u baraćbie z karupcyjaj», eks-deputat Rady Aleś Donij, šachmatystka, čempijonka Jeŭropy Natalla Žukava, ekanamist Uładzimir Łanavy i inšyja.
«Ja liču svaim abaviazkam adkryć hetym ludziam darohu va ŭkrainskuju palityku. My idziem tudy [u Radu] nie kaalicyi stvarać, nie ŭ tarhach za pasady brać udzieł. My idziem tudy zmahacca, padymać Ukrainu, dla hetaha treba pieramahčy sistemu, dla hetaha treba sadžać», — skazaŭ Saakašvili.