Zialenski prapanavaŭ varyjant zakančeńnia vajny na Danbasie
president.gov.ua
Abmien pałonnymi moh by śviedčyć ab namiery abodvuch bakoŭ urehulavać kanflikt na Danbasie. Pra heta zajaviŭ prezident Ukrainy Uładzimir Zialenski ŭ aŭtorak na sustrečy sa staršynioj niamieckaha bundestaha Volfhanham Šojble, pieradaje «Interfaks-Ukraina».
Pavodle jaho słoŭ, abmien ludźmi moh by adbycca ŭ farmacie «15 na 15» ci chacia b «10 na 10». Takim čynam było b prademanstravana imknieńnie ŭdzielnikaŭ kanfliktu da deeskałacyi, udakładniŭ kiraŭnik dziaržavy, abmiarkoŭvajučy pytańnie spynieńnia vajny ŭ Danbasie i viartańnia zakładnikaŭ.
Zialenski taksama paviedamiŭ, što Ukraina ŭžo ciapier rychtuje prajekt raźvićcia Danbasa. «I tut Jeŭropa moža dapamahčy», — adznačyŭ jon, dadaŭšy, što płanuje raboty pa adnaŭleńni škoł, dziciačych sadoŭ i daroh.