«Bahi, duchi, hieroi»: źjaviŭsia «humanitarny sieryjał» pa biełaruskaj mifałohii ad prajekta Etnaakademija
Biełaruskaja mifałohija — heta asobny śviet, jaki lažyć u asnovie biełaruskaj kultury i adroźnivaje jaje ad inšych kultur. Ale zaraz isnuje šmat pamyłkovaj i niedakładnaj infarmacyi pra biełaruskija mify. Kab heta vypravić, prajekt Etnaakademija zapisaŭ z dacentam histaryčnaha fakultetu BDU Dźmitryjem Skvarčeŭskim videakurs «Bahi, duchi, hieroi: piersanažny kod biełaruskaj mifałohii», jaki biaspłatna možna prahledzieć na płatformie Stepik.org.
Kurs składajecca z čatyroch častak: hladač moža daviedacca pra admietnyja rysy biełaruskaj mifałohii, jaje bahoŭ, duchaŭ i hierojaŭ. Farmat kursu — «humanitarny sieryjał», jaki možna pahladzieć za čatyry hadziny. Aŭtar raspaviadaje pra roznyja biełaruskija staražytnyja mify žyvoj movaj, u kursie prasočvajecca zachaplalny siužet.
Kurs «Bahi, duchi, hieroi: piersanažny kod biełaruskaj mifałohii» źjaŭlajecca častkaj prajektu «Etnaakademija» pry finansavaj padtrymcy Jeŭrapiejskaha Sajuza i safinansavańnia DVV International. Udzielniki prajekta stvarajuć anłajn-kursy pa etnahrafii, narodnych ramiostvach i narodnym mastactvie. Etnaakademija robić tak, kab jakasnyja viedy ŭ halinie narodaznaŭstva — pra tradycyjnyja ramiostvy, tradycyjnaje mastactva i tearetyčnyja viedy pa etnahrafii — byli dasiažnyja ŭsim i paŭsiul. Dla hetaha zaprašajucca biełaruskija śpiecyjalisty, jakija rychtujuć materyjał pa vynikach svajoj navukovaj pracy.
Kurs raźmieščany na płatformie Stepik.org.