U Navahrudku i Lidzie znajšli rasijskija syrki i marožanaje z kišečnaj pałačkaj
U Lidzie i Navahrudku vyjavili rasijskija małočnyja pradukty z kišečnaj pałačkaj. Pra heta BiełTA paviedamiła hałoŭny inśpiektar adździeła dziaržnahladu Lidy Iryna Kvočkina.
Havorka idzie pra hłazuravanyja syrki z zamieńnikam małočnaha tłušču i maroziva eskimo z zamieńnikam małočnaha tłušču.
Prodaž hetych syrkoŭ i maroziva zabaronieny. Akramia taho, śpiecyjalisty zabaranili pastaŭki hetaj pradukcyi ŭ Biełarusi, a taksama spynili i dziejańnie dekłaracyi pra adpaviednaść na terytoryi krainy.
Pa słovach Kvočkinaj, syrki zroblenyja z naturalnaha tvarahu i małaka pry naležnych umovach zachoŭvajucca da 15 sutak, maroziva — šeść miesiacaŭ. «Kali na ŭpakoŭcy paznačana, što terminy zachoŭvańnia vyšejšyja, možna mierkavać, što ŭ skład uvachodziać kansiervanty dy inšyja kampanienty, jakija padaŭžajuć termin prydatnaści. Tamu varta ŭvažliva čytać i analizavać infarmacyju pra skład praduktaŭ», — dadała śpiecyjalistka.