Alijeŭ nie prylacić u Minsk na adkryćcio Jeŭrapiejskich hulniaŭ
Prezident Azierbajdžana Ilcham Alijeŭ nie prylacić u Minsk na adkryćcio II Jeŭrapiejskich hulniaŭ. Zamiest jaho delehacyju Azierbajdžana ŭznačalić staršynia parłamienta, piša Tut.by.
«Delehacyju Azierbajdžana na cyrymonii adkryćcia II Jeŭrapiejskich hulniaŭ ŭznačalvaje staršynia parłamienta respubliki Aktaj Asadaŭ», — raspavioŭ Tut.by pasoł Azierbajdžana ŭ Biełarusi Łatyf Handziłaŭ. Hetuju infarmacyju paćvierdzili ŭ MZS Biełarusi.
Siońnia ŭ Minsku projdzie cyrymonija adkryćcia II Jeŭrapiejskich hulniaŭ. Čakałasia, što ŭ joj voźmuć udzieł prezidenty Azierbajdžana, Hruzii, Małdovy, Sierbii, a taksama premjer-ministr Rasii Dźmitryj Miadźviedzieŭ i kiraŭnik Čačenskaj respubliki Ramzan Kadyraŭ.
U piatnicu ranicaj stała viadoma, što prezident Hruzii Sałome Zurabišvili, jakaja prylacieła ŭ Minsk napiaredadni, vyrašyła daterminova pierapynić svoj vizit i viarnucca ŭ Tbilisi z-za akcyj pratestu.