U Minsku źjaviŭsia bar «Dyktatar», ale ź vielmi bajaźlivymi haspadarami
Na vulicy Kastryčnickaj u Minsku zapracavaŭ bar «Dyktatar». Elektronnuju rassyłku z takoj infarmacyjaj atrymali biełaruskija miedyja.
Jak vyśvietlili žurnalisty Kyky.org, u realnaści bar zarehistravany jak Bartenders' Club, jaki pazicyjanuje siabie jak škoła barmienaŭ.
Vykarystać słova «Dyktatar» u naźvie ci afarmleńni stvaralniki bara pabajalisia.
U kamientary Onliner.by haspadary pasprabavali patłumačyć, što ideja nie maje palityčnaha padtekstu. Maŭlaŭ «dyktat» — heta forma prasoŭvańnia kultury pićcia ŭ Biełarusi: «My ž vučym ludziej, jak pravilna rabić napoi, dyktujem im».