Hruzinskija ŭłady adkazali na zabaronu palotaŭ u krainu z boku Rasii
Na ich dumku, taki radykalny palityčny paradak škodzić intaresam Maskvy i Tbilisi.
Śpiecpradstaŭnik premjer-ministra Hruzii pa ŭzajemaadnosinach z RF Zurab Abašydze paviedamiŭ, što ciapier hruzinskija ŭłady majuć namier atrymać detalovuju infarmacyju ad RF ab prypynieńni pasažyrskich avijaznosin, kab surjozna praanalizavać jaje i zrabić vysnovy. Paśla čaho kiraŭnictva krainy daść bolš detalovyja kamientary pa pytańni.
«Biezumoŭna, naša zadača — abaranić intaresy suvierenitetu krainy i ŭsich hramadzian, paźbiehnuć ryzyk pryniaćcia nieabdumanych krokaŭ pa surjoznych pytańniach», — pieradaje TASS jaho słovy.
U svaju čarhu, daradca premjer-ministra Hruzii pa pytańniach stratehičnych kamunikacyj Iraklij Čykavani zajaviŭ, što prypynieńnie pieralotaŭ rasijskich avijakampanij u krainu budzie škodzić adnosinam dźviuch dziaržaŭ.
«Padziei, jakija adbyvajucca ŭ apošni pieryjad, pakazvajuć, što radykalny palityčny paradak dnia jak na miždziaržaŭnym uzroŭni, tak i ŭnutry krainy raŭnamierna škodzić intaresam abiedźviuch dziaržaŭ», — paviedamiŭ žurnalistam Čykavani.