U Rasii abviaścili pra pačatak vytvorčaści S-500
Vytvorčaść zienitnych rakietnych kompleksaŭ S-500 pačynajecca ŭ Rasii, u najbližejšy čas jany pastupiać na ŭzbrajeńnie, paviedamiŭ kiraŭnik karparacyi «Rastech» Siarhiej Čemiezaŭ, piša TASS.
«Paralelna stvarajecca novaja sučasnaja zbroja. I kali voś, naprykład, S-400 my siońnia ŭžo majem mahčymaść pradać, to ŭ nas užo siońnia pačynaje vyrablacca S-500. Nu, heta bolš sučasny kompleks. Ja nie chacieŭ by zaraz raspaviadać pra jaho, jon jašče na ŭzbrajeńni nie staić. Nu ja dumaju, što ŭ najbližejšy čas źjavicca», — skazaŭ Čemiezaŭ.
Adkazvajučy na pytańnie ab tym, kali najnoŭšyja kompleksy pastupiać na ŭzbrajeńnie, Čemiezaŭ skazaŭ: «Kali skončać vyprabavańni».
Čemiezaŭ taksama adznačyŭ, što dalokaść S-500 budzie vyšejšaj, čym u S-400.