Pad Branskam biełarus na fury najechaŭ na mikraaŭtobus — zahinuli try čałavieki
Jak paviedamlajuć Branskija naviny, trahičnaje zdareńnie adbyłosia 1 lipienia a 13:00 na darozie Bransk — Navazybkaŭ.
Biełarus razvaročvaŭsia na hruzaviku «Volva» z pryčepam i sutyknuŭsia z «Mersedesam Spryntaram», zahinuli pasažyry va ŭzroście 25, 52 i 54 hadoŭ. Jašče 12 čałaviek, a siarod ich dvoje dziaciej, atrymali traŭmy.
Pa fakcie parušeńnia praviłaŭ darožnaha ruchu, što paciahnuła pa nieaściarožnaści śmierć dvuch ci bolš asobaŭ, raspačataja kryminalnaja sprava.