Lijanel Mesi abvinavaciŭ sudździaŭ Kubka Amieryki ŭ karupcyi

Kapitan zbornaj Arhienciny Lijanel Mesi paśla pieramohi ŭ matčy za treciaje miesca ŭ spabornictvie za Kubak Amieryki nie vyjšaŭ pa bronzavy miedal, paviedamlaje «Jeŭrasport».

Hulnia suprać Čyli zaviaršyłasia ź likam 2:1 na karyść Arhienciny, a Mesi byŭ vydaleny ŭ pieršym tajmie za sutyčku z čylijcam Miedelem, jakomu taksama pakazali čyrvonuju kartku.

Lionel Messi: "We shouldn't have to be part of this corruption.

"The Copa is all set up for Brazil." pic.twitter.com/wscS2jF12I

— Goal (@goal) 6 ijula 2019 h.

Paśla hulni Mesi vykazaŭ svajo abureńnie.

Lionel Messi: "What I said, happened. I didn't go to the podium because we shouldn't be part of the corruption and lack of respect. We were meant for more but they didn't let us be in the final. The corruption and the refs didn't allow the people to enjoy and football is ruined."

— Roy Nemer (@RoyNemer) 6 ijula 2019 h.

«Ja nie vyjšaŭ pa miedal, tamu što my nie pavinny być častkaj karupcyi i niepavahi. My zasłuhoŭvali bolšaha, ale nam nie dazvolili vyjści ŭ finał karupcyja i sudździ. Futboł razburany. Karupcyja i sudździ nie dali nam vyjści ŭ finał. Treba kazać praŭdu.

Niama nijakich sumnievaŭ, što Brazilija vyjhraje Kubak Amieryki. Dumaju, usio padstrojena na ich karyść, ale spadziajusia, što sudździ i VAR ni na što nie paŭpłyvajuć, a Pieru składzie kankurencyju, bo kamanda na heta zdolnaja. Ale mnie jasna, što heta budzie składana», — zajaviŭ Mesi.

U paŭfinale Brazilija abyhrała Arhiencinu ź likam 2:0. Finał pamiž Brazilijaj i Pieru adbudziecca 7 lipienia.

Kamientary da artykuła