Žychar Žodzina «chacieŭ dapamahčy» siabru, udaryŭ inśpiektara DAI — i atrymaŭ hod z adterminoŭkaj
Ilustracyjnaje fota Viktara Hilickaha, kp.by
Vypadak adbyŭsia ŭ Žodzina, piša EX-PRESS.BY.
Pjanaha 33-hadovaha minčuka zatrymali za rulom aŭtamabila. A jaho siabar, 37-hadovy žychar Žodzina, sprabavaŭ jamu «dapamahčy»: spačatku jon pahražaŭ inśpiektaru DAI, a potym niekalki razoŭ šturchnuŭ jaho ŭ hrudzi.
Sudom horada Žodzina padsudnamu było pryznačana pakarańnie: adzin hod pazbaŭleńnia voli z adterminoŭkaj vykanańnia prysudu terminam na adzin hod. Ciapier u volny ad pracy čas jon pavinien budzie vykanać 120 hadzin hramadska-karysnych rabot.
«Faktyčna svaimi dziejańniami hramadzianin ździejśniŭ dva złačynstvy, — prakamientavaŭ prysud prakuror horada Žodzina. — Adno ź ich abrazu, inšaje — prymianieńnie hvałtu, jakoje adnosicca da katehoryi «mienš ciažkich», pa jakich praduhledžvajucca tolki pakarańni, źviazanyja ź izalacyjaj: ad aryštu da 6 hadoŭ pazbaŭleńnia voli.
Sudom horada Žodzina byli ŭličany takija abstaviny, jak staŭleńnie padsudnaha da zroblenaha: abvinavačvany vinu pryznaŭ u poŭnym abjomie i raskajaŭsia. Sudom było ŭstanoŭlena, što ŭ mužčyny na ŭtrymańni čaćviora małaletnich dziaciej. Sud uličyŭ i ŭčynieńnie złačynstva ŭ stanie ałkaholnaha apjanieńnia».
Praz hod adbudziecca jašče adno sudovaje pasiedžańnie, na jakim budzie vyrašana pytańnie ab pryviadzieńni pakarańnia ŭ vykanańnie albo vyzvaleńni ad jaho, kali asudžany budzie pavodzić siabie zakonapasłuchmiana.