Pasolstva Rasii patrabuje dostupu da zatrymanych za salut 3 lipienia rasijanaŭ
Pres-sakratar pasolstva Rasii ŭ Minsku paviedamiŭ Radyjo Svaboda, što biełaruskim uładam nakiravany zapyt na naviedvańnie dvuch rasijskich hramadzian, jakich zatrymali paśla vybuchu 3 lipienia na salucie ŭ Minsku.
«My nakiravali zapyt na naviedvańnie 2 zatrymanych rasijskich hramadzian, supracoŭnikaŭ kampanii «Pira-Ros» i spadziajemsia, što bližejšym časam dostup budzie pradstaŭleny. Našyja konsulskija supracoŭniki robiać usie zachady dla zabieśpiačeńnia ich pravoŭ, advakataŭ my ŭžo padklučyli», — paviedamiŭ pres-sakrtara Siarhiej Arajeŭ.
Zatrymanyja — 25-hadovy Maksim Sapronaŭ i 28-hadovy Kanstancin Dzianisaŭ, kansultanty kampanii «Pira-Ross», jakaja pastaŭlała piratechničnyja snarady dla fiejervierku. Jany supravadžali hruz u Biełaruś i mielisia sačyć za zapuskam na śviacie ŭ Minsku.