Rasijskaja deputatka: Ja bačyła z kosmasu, jak Ukraina stralaje pa biazzbrojnych žycharach Danbasa
Na pasiadžeńni Parłamienckaj asamblei ABSIE ŭ Luksiemburhu deputat ad Dziarždumy Rasii, kasmanaŭt Alena Siarova zajaviła ab tym, što jana z borta Mižnarodnaj kaśmičnaj stancyi bačyła, jak razryvalisia bomby ŭkrainskaj armii na akupavanych terytoryjach uschodu Ukrainy. Pra heta paviedamlaje «Jeŭrapiejskaja praŭda».
«Ukrainskaja armija ažyćciaŭlaje sapraŭdny hienacyd suprać ułasnaha naroda. I heta nie hałasłoŭnyja abvinavačvańni, heta realnyja fakty. Z borta Mižnarodnaj kaśmičnaj stancyi niaŭzbrojenym vokam mnie daviałosia ŭbačyć, jak rvalisia bomby i snarady na terytoryi Danbasa i Łuhanska. I jany lacieli z boku raźmiaščeńnia Uzbrojenych sił Ukrainy. A ŭ hety čas tam hinuli biazzbrojnyja ludzi», - adznačyła jana.