Łukašenka absalutna padtrymlivaje ideju sustrečy Zialenskaha i Pucina ŭ Minsku
Alaksandr Łukašenka vitaje Anhiełu Mierkiel i Fransua Ałanda ŭ Minsku 11 lutaha 2015 hoda, president.gov.by
Alaksandr Łukašenka «absalutna padtrymlivaje» prapanovu prezidenta Ukrainy Uładzimira Zialenskaha ab praviadzieńni ŭ Minsku sustrečy z Uładzimiram Pucinym z udziełam Donalda Trampa, Anhieły Mierkiel, Terezy Mej i Emanuela Makrona, paviedamlaje BiełTA sa spasyłkaj na pres-słužbu kiraŭnika krainy.
«Naš prezident absalutna padtrymlivaje prapanovy Uładzimira Zialenskaha. Hetaja pazicyja niaźmiennaja — i składajecca jana ŭ tym, što nielha hladzieć adzin na adnaho praz pryceł harmat, treba siadać i vyrašać prablemy, jakich naźbirałasia niamała», — havorycca ŭ paviedamleńni.
«Što tyčycca ahučanych prapanoŭ pa ŭdzielnikach sustrečy, to ŭsie napeŭna pamiatajuć — prezident našaj krainy nieadnarazova kazaŭ, što «hetuju prablemu pavinny vyrašyć my — try słavianskija narody. Nie jeŭrapiejcy, nie amierykancy, a mienavita my. (…) Ale kali vyrašyć prablemu ŭ takim farmacie nie atrymlivajecca, i adzin z bakoŭ kanfliktu — u dadzienym vypadku Ukraina — nastojvaje i prapanuje ŭdzieł i inšych hulcoŭ, my taki farmat padtrymlivajem taksama … Tym bolš što i pra ŭdzieł ZŠA ŭ vyrašeńni kanfliktu Alaksandr Łukašenka ŭžo daŭno kazaŭ — biez amierykancaŭ vyrašyć hetuju prablemu budzie składana, užo zanadta jany pahružanyja ŭ dadzienyja pracesy», — adznačaje pres-słužba
Nahadajem, što siońnia Uładzimir Zialenski źviarnuŭsia da Uładzimira Pucina, kab abmierkavać ukrainska-rasijski kanflikt.
«Ja chaču źviarnucca da prezidenta Rasijskaj Fiederacyi Uładzimira Pucina. Nam treba pahavaryć, davajcie pahavorym. Davajcie pahavorym, čyj Krym i kaho niama na Danbasie».
«Ja prapanuju kampanii dla razmovy nastupnaje: ja, vy, prezident ZŠA Donald Tramp, premjer-ministr Vialikabrytanii Tereza Mej, kancler Fiederalnaj Respubliki Anhieła Mierkiel, prezident Francyi Emanuel Makron, dumaju, što Alaksandr Łukašenka z zadavalnieńniem voźmie nas z saboj u Minsk».
«My nie admaŭlajemsia ad luboha dypłamatyčnaha farmatu. My prapanujem razmaŭlać. U rešcie rešt treba razmaŭlać, ci nie tak?»