Suzasnavalnik Apple Styŭ Voźniak zaklikaŭ ludziej vydalicca z sacsietak
Suzasnavalnik Apple Styŭ Voźniak, jaki raniej vydaliŭ svoj profil na Facebook, zajaviŭ, što tak musić zrabić kožny, piša TMZ. Jon taksama prapanavaŭ karparacyjam dazvolić ludziam dapłačvać za biaśpieku asabistych danych, zamiest taho kab tajemna pieradavać ich rekłamadaŭcam.
Adsutnaść pryvatnaści — zanadta vysokaja cana za karystańnie Facebook, ličyć Styŭ Voźniak. Usie ludzi roznyja, i niekatoryja ličać, što pryvilei płatformy vartyja taho, kab achviaravać asabistymi danymi, adznačyŭ Voźniak, «ale maja parada bolšaści: vy pavinny znajści sposab syści z Facebook».
Voźniak, pa jaho słovach, zaniepakojeny ŭvarvańniem karparacyj u pryvatnaje žyćcio, ale nie dumaje, što heta mahčyma spynić: «Ciapier jany mohuć z dapamohaj łaziera vyličyć vas pa sercabićci, jany mohuć prasłuchoŭvać vas z dapamohaj mnostva pryład. Pra Alexa napisali ŭžo šmat navin. <…> Spynić heta praktyčna niemahčyma».
«Mianie prosta žach biare», — padkreśliŭ Voźniak.