61-hadovy kiroŭca aŭtobusa Vałožyn — Minsk pamior za styrnom
dapoŭniena
Zdareńnie adbyłosia 9 lipienia pablizu Rakava.
Kiroŭcu rejsavaha aŭtobusa Vałožyn-Minsk raptam stała błaha za rulom, jon źjechaŭ na ŭzbočynu i ŭrezaŭsia ŭ dreva.
«61-hadovy kiroŭca našaha aŭtaparka pamior za styrnom. Prablemy z sercam. Ranicaj kiroŭca prajšoŭ miedahlad, usio było narmalna», — raskazała «Našaj Nivie» dyśpietčar vałožynskaj aŭtastancyi.
Ivan Stankievič sioleta trapiŭ na Došku honaru Vałožynskaha rajona jak lepšy rabotnik aŭtatranspartu.
U avaryi traŭmy atrymali troje pasažyraŭ. Byli dastaŭleny ŭ balnicu 85-hadovaja žančyna, 70-hadovy mužčyna i 23-hadovy chłopiec. Maładoha čałavieka paśla akazańnia miedycynskaj dapamohi adpuścili dadomu.