Stała viadoma, kaho Jeŭrasajuz pryšle novym pasłom zamiest Andrea Viktaryn
Kiraŭnik jeŭrapiejskaj dypłamatyi Fiederyka Mahieryni naminavała Dzirka Šubiela na pasadu novaha kiraŭnika pradstaŭnictva ES u Biełarusi, piša Tut.by. Zaraz Šubiel uznačalvaje ŭpraŭleńnie Jeŭrapiejskaj słužby źniešnich dziejańniaŭ (JESZD) pa Rasii.
Dzirk Šubiel, fota: «Minski dyjałoh».
Farmalna Šubiel jašče pavinien atrymać zhodu Minska na pryznačeńnie. Paśla hetaha jon źmienić na pasadzie kiraŭnika pradstaŭnictva ES Andrea Viktaryn, jakaja zajmała hetuju pasadu z 2015 hoda. Sama Viktaryn adpravicca na anałahičnuju pasadu ŭ Armieniju.
Šubiel niekalki razoŭ pryjazdžaŭ u Biełaruś na svajoj pazaminułaj pasadzie — načalnika ŭpraŭleńnia dvuchbakovaha supracoŭnictva z krainami «Uschodniaha partniorstva» JESZD. Jon uznačalvaŭ delehacyju Jeŭrasajuza na sustrečach kaardynacyjnaj hrupy «Biełaruś-ES».
Dzirk Šubiel naradziŭsia ŭ 1965 hodzie va Uschodniaj Hiermanii, adnak bolšuju častku žyćcia pražyŭ u FRH. U Brusieli jon pracavaŭ nad uklučeńniem Vienhryi ŭ ES. Paśla hetaha jon pracavaŭ u pradstaŭnictvie Jeŭrakamisii va Ukrainie i ŭznačalvaŭ pradstaŭnictva ES u Małdovie.