Mahiloviec źbivaŭ žonku i pałochaŭ dziaciej, arhumientujučy tym, što jon — hałoŭny zdabytčyk
30-hadovuju mahiloŭku, jakaja znachodzicca ŭ dekretnym adpačynku pa dohladzie za dziciem, sistematyčna źbivaŭ 40-hadovy muž, raniej nie sudzimy indyvidualny pradprymalnik. Svarki adbyvalisia na vačach u dziaciej, piša Mogilevnews.by.
Na praciahu paŭhoda mužčyna, vypivajučy, padymaŭ na žonku ruku. Mahiloŭka pryjšła ŭ milicyju z prośbaj supakoić i izalavać siamiejnaha skandalista ad jaje i dvuch niepaŭnaletnich dziaciej.
Mužčyna nie pieršy raz traplaje ŭ pole zroku pravaachoŭnikaŭ, da hetaha jon užo niekalki razoŭ pryciahvaŭsia da administracyjnaj adkaznaści za naŭmysnyja pryčynieńni cialesnych paškodžańniaŭ. Vyśvietliłasia, što žančyna ŭžo pryvykła da taho, što muž viartaŭsia dadomu pozna pjanym. Adnak jana była aburanaja, kali pry hetym jon staŭ padymać na jaje ruku. Arhumientavaŭ muž svaje pavodziny tym, što jon u siamji — hałoŭny zdabytčyk i maje prava vychoŭvać druhuju pałovu z dapamohaj kułaka.
Vyrašajecca pytańnie ab zaviadzieńni kryminalnaj spravy za katavańnie.