Nazvanaja mahčymaja pryčyna avaryi na «Łašaryku» ŭ Barancavym mory
Avaryja na hłybakavodnym aparacie VMF Rasii AS-31 «Łašaryk» mahła adbycca praz vybuch lityjevaha akumulatara. Takuju viersiju prapanuje «Fontanka», spasyłajučysia na niekalki krynic.
Pa dadzienych vydańnia, da pažaru pryviało karotkaje zamykańnie, paśla jakoha akumulatar mamientalna razradziŭsia, a paśla pačaŭsia jaho ciepłavy razhon. Paśla hetaha adbyłasia sieryja vybuchaŭ, jakuju adčuli na łodcy-nośbicie.
Paśla vybuchaŭ sastaŭ nasavych adsiekaŭ zahinuŭ, vyžyłyja zadraili centralny adsiek, zaviaršyli stykoŭku, zahłušyli jadzierny reaktar i evakujavalisia na BS-136 «Arenburh». Kab paźbiehnuć raspaŭsiudžvańnia ahniu, hłybakavodny aparat zatapili. Jak adznačyli krynicy, patušyć lityjevyja batarei sistemami abjomnaha chimičnaha tušeńnia ci vadoj niemahčyma i ich možna tolki astudzić.
Jak adznačaje vydańnie, zhadak pra lityjevyja akumulatary na padvodnych łodkach' ź jadziernym reaktaram u adkrytych krynicach niama. Adnak, pa jaho dadzienych, mienavita takuju batareju ŭstalavali na aparat paśla ramontu ŭ 2012 hodzie.
Pažar, achviarami jakoha stali 14 rasijskich marakoŭ, uspychnuŭ na sakretnym dyviersijnym aparacie