DAI apublikavała VIDEA, jak aŭtamabil źbiŭ na pierachodzie ŭ Hrodnie 17-hadovaha chłopca ŭ słuchaŭkach
7 lipienia piensijanier źbiŭ na pierachodzie studenta. Hrodzienskaja DAI apublikavała videa avaryi. DAI zaznačaje, što prahlad videa budzie karysnym i dla kiroŭcaŭ, i dla piešachodaŭ.
Zdareńnie adbyłosia na piešachodnym pierachodzie pablizu skryžavańnia vulic Urubleŭskaha i Kurčatava. 79-hadovy kiroŭca «Reno» ruchaŭsia z boku vulicy Dambroŭskaha ŭ napramku Bulvara Leninskaha Kamsamołu i ździejśniŭ najezd na 17-hadovaha chłopca, jaki ŭ słuchaŭkach išoŭ pa nierehulavanym piešachodnym pierachodzie.
U vyniku DTZ piešachod atrymaŭ lohkija cialesnyja paškodžańni (udary, ranki noh i ruk) i byŭ dastaŭleny ŭ balnicu.