Navukoŭcy zrabili najbolš detalovy zdymak mozhu čałavieka. Jany pravodzili MRT bolš za 100 hadzin! VIDEA
Hrupa bijołahaŭ z balnicy Masačusetsa apublikavała preprynt daśledavańnia čałaviečaha mozhu, jaki ŭklučaje ŭ siabie samyja padrabiaznyja vidy čałaviečaha mozhu ŭ historyi.
Navukoŭcy pad kiraŭnictvam śpiecyjalista pa niejravizualizacyi Brajana Edłoŭ (Brian L. Edlow) bolš za 100 hadzin vyvučali mozh ananimnaha donara z MRT. Na artykuł vučonych jašče pakul recenzii niama, ale bijołahi ŭžo apisali źviestki svaich daśledavańniaŭ, u tym liku vykłali videa ź vizualizacyjaj raboty mozhu.
U daśledavańni adznačajecca, što ananimny 58-hadovy pacyjent nie pakutavaŭ na nieŭrałahičnyja zachvorvańni i pamior ad pnieŭmanii. Heta aznačaje, što navukoŭcy vyvučali siaredni mozh biez adchileńniaŭ.
Paśla śmierci pacyjenta navukoŭcy stvaryli admysłovy hiermietyčny trymalnik dla mozhu, jon byŭ raspracavany śpiecyjalna dla doŭhaterminovych daśledavańniaŭ u MRT.
Trymalnik byŭ źmieščany ŭ śpiecyjalny skanier MRI Tesla (7T): mahutnuju pryładu z vysokim uzroŭniem tryvałaści mahnitnaha pola.
Navukoŭcam daviałosia analizavać abjekty pamieram usiaho tolki ŭ dziasiatuju častku milimietra.