Premjera Kosava zapadozryli ŭ ździajśnieńni vajennych złačynstvaŭ. Jon syšoŭ u adstaŭku i pajedzie ŭ Haahu
Premjer-ministr Kosava Ramuš Charadzinaj padaŭ u adstaŭku paśla taho, jak jaho vyklikali ŭ Haahski sud pa rasśledavańni vajennych złačynstvaŭ u jakaści padazravanaha, pieradaje Reuters.
Śpiecyjalny sud pa rasśledavańni vajennych złačynstvaŭ u Kosavie byŭ stvorany ŭ 2015 hodzie dla suda nad paŭstancami Armii vyzvaleńnia Kosava za mierkavanyja źvierstvy padčas vajny 1998-1999 hadoŭ, jakaja pryviała da niezaležnaści ad Sierbii.
Charadzinaj užo druhi raz sychodzić u adstaŭku z pasady premjer-ministra. U 2005 hodzie trybunał vystaviŭ jamu abvinavačańnie ŭ datyčnaści da vajennych złačynstvaŭ. U vyniku Charadzinaj byŭ apraŭdany.