Apublikavanyja pieršyja ekzit-poły na vybarach va Ukrainie: jość adna intryha
UNIAN
Žurnalistka Sonia Koškina ŭ svaim telehram-kanale apublikavała nieaficyjnyja źviestki troch ekzit-połaŭ na daterminovych parłamienckich vybarach va Ukraina pa stanie na 12:00.
Aficyjna vyniki zabaroniena publikavać da zakryćcia vybarčych učastkaŭ, ale žurnalisty znachodziać sposaby danieści infarmacyju.
Zhodna z Nacyjanalnym ekzit-połam, «Słuha naroda» nabiraje 41,4%, «Apazicyjnaja płatforma — Za žyćcio» Viktara Miedviedčuka — 14,1 pracenta, u «Jeŭrapiejskaj salidarnaści» Piatra Parašenki - 8,5%, u «Baćkaŭščyny» Julii Cimšenka — 8,1%. «Hołas» nabiraje 5% i pieraadolvaje nieabchodny barjer.
Jość taksama źviestki 'ekzit-połaŭ ad KMiS i Centra Razumkova.
Pavodle ich «Słuha naroda» maje 40,6 i 42,2% adpaviedna, «Za žyćcio» — 14,4 i 13,8%, partyja Parašenki — 9,4 i 7,7%, «Baćkaŭščyna» — 8,2 i 8,0%, «Hołas» — 5.2 i 4.7%.
Takim čynam, hałoŭnaja intryha: prachodzić «Hołas» pa partyjnych śpisach, ci nie
Zhodna sa źviestkami Mustafy Najema, Vakarčuku taksama nie ŭdasca pieraadoleć barjer 5%.
Pa partyjnych śpisach abirajecca 225 čałaviek, jašče 199 (inšyja 26 miescaŭ prypadaje na Krym i Danbas, dzie deputaty nie buduć abranyja) abirajucca prostaj bolšaściu hałasoŭ.
Nichto nie sumniavajecca ŭ pieramozie «Słuhi naroda». Pytańnie, kolki hałasoŭ jana nabiare i ci budzie farmavać kaalicyju. Raniej u partyi skazali, što hatovy farmiravać kaalicyju z «Hołasam» i «Baćkaŭščynaj» i ni pry jakich umovach z «Apazicyjnaj płatformaj — Za žyćcio» i «Jeŭrapiejskaj salidarnaściu».