Turkmienskija internet-kanały pišuć pra śmierć Bierdymuchamiedava — «ad nyrkavaj niedastatkovaści»
Pra toje, što pamior prezident Turkmienistana Hurbanhuły Bierdymuchamiedaŭ, paviedamiła radyjostancyja «Hovorit Moskva» sa spasyłkaj na dyrektara Centra manitorynhu jeŭrazijskich prablem Asłana Rubajeva.
Pavodle jaho słoŭ, pra śmierć prezidenta Turkmienistana paviedamili biznesmieny, jakija pracujuć u Ašchabadzie. «Kali spytaŭ, ci sapraŭdy, jany skazali: jość znajomyja, jakija pracujuć u śpiecsłužbach, jany pieradajuć, što heta tak, što heta adbyłosia, kali jon vyjšaŭ u adpačynak», — skazaŭ Rubajeŭ.
Hurbanhuły Bierdymuchamiedaŭ pajšoŭ u adpačynak 15 lipienia. Pieršyja paviedamleńni pra jaho śmierć źjavilisia ŭ Telegram-kanale ElMurid, jakija śpiecyjalizujecca na aśviatleńni padziei ŭ arabskich krainach, źviartaje ŭvahu lenta.ru
Raniej YouTube-kanał «Svabodny Turkmienistan» sa spasyłkaj na karespandentaŭ u Ašchabadzie paviedamiŭ, što palityk pamior 20 lipienia. Pryčynaj śmierci nazvali vostruju nyračnuju niedastatkovaść.
Hurbanhuły Bierdymuchamiedaŭ uznačaliŭ Turkmienistan u kancy 2006 hoda. Jamu 62 hady. Bierdymuchamiedaŭ taksama viadomy svaimi niezvyčajnymi zachapleńniami — na praciahu amal 13 hadoŭ, što jon znachodzicca va ŭładzie, kiraŭnik dziaržavy nieadnarazova vučyŭ hienierałaŭ stralbie i kidańniu nažoŭ, ihraŭ na hitary i pijanina, udzielničaŭ u skačkach, čytaŭ rep, pisaŭ knihi.