U minskim akvaparku ledź nie patanuŭ čatyrochhadovy chłopčyk
Chłopčyk pryjechaŭ z Mahilova razam z mamaj, ź jakoj pryjšoŭ adpačyvać u akvapark 21 lipienia. Kala 12 hadzin adzin z ratavalnikaŭ akvaparku zaŭvažyŭ, što tonie maleńkaje dzicia. Vyratavalnik nyrnuŭ za dziciem i dastaŭ jaho z vady, paviedamlaje SK.
Chłopčyku na miescy akazana nieabchodnaja miedycynskaja dapamoha, paśla čaho jon byŭ špitalizavany.
Śledčymi ŭstanoŭlena, što dzicia biez vyratavalnaj kamizelki było ŭ basiejnie na hłybini, na jakoj jamu znachodzicca zabaroniena. Niezadoŭha da hetaha chłopčyk z mamaj znachodzilisia ŭ dziciačaj akvazonie, adkul nieprykmietna dla jaje dzicia pierajšło ŭ darosły basiejn.
Śledčymi praviedzieny ahlady, kanfiskavanyja proby vady, apytanyja rabotniki akvaparku, miedycynskija rabotniki, vyvučany videazapisy kamier nazirańnia. Pryznačana sudova-miedycynskaja ekśpiertyza, vytvorčaść jakoj daručana śpiecyjalistam HKSE.