U Žytkavičach milicyjanier vyhulvaŭ sabaku, a znajšoŭ bolš za tysiaču patronaŭ
Zdareńnie adbyłosia 21 lipienia, paviedamlaje homielskaja abłasnaja milicyja.
Dniom 21 lipienia milicyjanier hrupy zatrymańnia Žytkavickaha adździeła Departamienta achovy praparščyk milicyi Siarhiej Piaševič vyhulvaŭ sabaku. Žyvie supracoŭnik na ŭskrainie horada, sabaku pavioŭ u les
Prajšoŭ 700 mietraŭ uhłyb lesu, niamieckaja aŭčarka pa mianušcy Blejd pabiehła da truchlavaha dreva i stała tam ryć. Akazałasia, Blejd znajšoŭ padsumak ad procihaza. Unutry lažaŭ pački z patronami. Milicyjant adrazu ž paviedamiŭ pra niezvyčajnuju znachodku kamandziru.
Na miesca zdareńnia prybyła śledča-apieratyŭnaja hrupa. Padčas ahladu kanfiskavana 1270 patronaŭ kalibra 5,6 mm. vytvorčaści časoŭ SSSR. Patrony nakiravanyja na ekśpiertyzu.