U Mazyry 24-hadovy pjany biaspraŭnik urezaŭsia ŭ dreva i zahinuŭ
Fota homielskaj abłasnoj milicyi
Avaryja adbyłasia 21 lipienia, kala 23.20, niepadalok ad vioski Kamienka. 24-hadovy kiroŭca «Falksvahiena Holf» nie spraviŭsia z kiravańniem i źjechaŭ u kiuviet, dzie aŭtamabil ŭrezaŭsia ŭ dreva, paviedamlaje homielskaja abłasnaja milicyja.
U vyniku DTZ vadziciel ad atrymanych traŭmaŭ pamior na miescy zdareńnia. Vyśvietliłasia, što jon znachodziŭsia ŭ stanie ałkaholnaha apjanieńnia i nie mieŭ prava kiravańnia aŭtamabilem.
Taksama ŭ DAI adznačyli, što mužčyna nie byŭ pryšpileny ramianiom biaśpieki.