Ihar Marzaluk: Ja pajšoŭ u armiju paśla druhoha kursa, i heta nie pieraškodziła mnie stać doktaram navuk i prafiesaram
Staršynia pastajannaj kamisii pa adukacyi, kultury i navucy Pałaty pradstaŭnikoŭ Ihar Marzaluk vykazaŭsia nakont admieny šmatrazovych adterminovak ad vojska dla praciahu navučańnia. Deputat raspavioŭ BiełTA, što dva hady adsłužyŭ u raźviedvalnaj rocie, u armiju pajšoŭ paśla druhoha kursa, i heta nie pieraškodziła jamu stać paśla doktaram navuk, prafiesaram.
«Naadvarot, usiaho damohsia, u tym liku dziakujučy Uzbrojenym Siłam», — skazaŭ jon i vykazaŭ ździŭleńnie, što zdarovyja mužčyny bajacca słužyć u vojsku.
«Moj syn skončyŭ dziesiać kłasaŭ. Mała sumniavajusia, što jon nie budzie słužyć», — dadaŭ parłamientaryj.
Ihar Marzaluk źviarnuŭ uvahu na toje, što adterminoŭki niaredka vykarystoŭvalisia nie dla pavyšeńnia prafiesijanalizmu, a jak mahčymaść uchilicca ad vojska. Deputat ličyć takuju situacyju nienarmalnaj i ŭpeŭnieny, što jaje treba vypraŭlać, u tym liku šlacham zakanadaŭčych mier.