Adstaŭny vajskoviec niekalki razoŭ streliŭ u daradcu pasolstva Biełarusi ŭ Turcyi i zastreliŭsia sam
dapoŭniena
Nieviadomy streliŭ u daradcu-pasłanca pasolstva Biełarusi ŭ Turcyi, jon špitalizavany. Pra heta paviedamlaje tureckaja hazieta Hurriyet. Infarmacyju Tut.by paćvierdzili ŭ MZS Biełarusi.
«Supracoŭnik pasolstva viartaŭsia ź dziciem dadomu, kali psichična nieŭraŭnavažany były vajskoviec niekalki razoŭ streliŭ u dypłamata», — raspavioŭ aficyjny pradstaŭnik MZS Biełarusi Anatol Hłaz.
Dypłamat Alaksandr Pahanšaŭ znachodzicca ŭ špitali ŭ ciažkim stanie, jamu akazvajecca dapamoha.
Mužčyna, jaki napaŭ, skončyŭ žyćcio samahubstvam.
Ataka była ździejśnienaja adstaŭnym tureckim vajskoŭcam u rajonie Čankaja, u jakim raźmieščana vialikaja kolkaść dypłamatyčnych pradstaŭnictvaŭ roznych krain. Paśla napadu złačyniec skončyŭ žyćcio samahubstvam. Paranieny dypłamat byŭ dastaŭleny ŭ balnicu.
Jak adznačaje ahienctva Demiroren, mužčyna, jaki napaŭ na dypłamata, byŭ jaho susiedam.