Biełarus uvajšoŭ u supolnaść Forbes
Alaksiej Makaraŭ, adzin z zasnavalnikaŭ i CEO biełaruskaj IT-kampanii Qulix Systems, uvajšoŭ u Techničnuju radu Forbes, piša TUT.BY.
Alaksiej Makaraŭ
Techničnaja rada Forbes — heta suśvietnaja supolnaść uładalnikaŭ, hienieralnych i techničnych dyrektaraŭ mižnarodnych kampanij. Siońnia saviet ŭklučaje bolš za 2000 udzielnikaŭ — naprykład, Amazon, Dell, Huawei, Visa, Microsoft, IBM, Intel, Xerox, SAP, Oracle, Uber, PayPal, Electronic Arts.
Adznačajecca, što «asnoŭnaja ideja supolnaści - dać mahčymaść kožnamu jaho siabru atrymać dostup da nazapašanych viedaŭ i ekśpiertyzy kaleh ź inšych haradoŭ i krain. Udzielniki Techničnaj rady pišuć dla Forbes artykuły na techničnuju i biźnies-tematyku, abmiarkoŭvajuć na płatformie pytańni biźniesu, mohuć znajści novyja kantakty i mieć znosiny naŭprost z top-mieniedžarami kampanij z roznych krain».
Kožny patencyjny ŭdzielnik pavinien prajści telefonnaje sumoŭje z kamisijaj Techničnaj rady Forbes. Akramia taho, da achvotnych uvajści ŭ supolnaść vyłučajecca niekalki patrabavańniaŭ:
- jon pavinien być techničnym kiraŭnikom najvyšejšaha źviana;
- kampanija pavinna mieć pradstaŭnictva ŭ ZŠA;
- razhladajucca zajaŭki ad arhanizacyj z hadavym prybytkam nie mienš za 5 miljonaŭ dalaraŭ.