U Rasii raspačali spravu pra masavyja biesparadki paśla akcyi 27 lipienia
Śledčy kamitet Rasii raspačaŭ kryminalnuju spravu paśla akcyi, jakaja prajšła 27 lipienia ŭ Maskvie. Spravu zaviali pa artykule «arhanizacyja masavych biesparadkaŭ».
«Jak ustanoŭlena śledstvam, hrupa asob napiaredadni praviadzieńnia niesankcyjanavanaj akcyi nieadnarazova raźmiaščała ŭ sietcy internet zakliki ŭziać u joj udzieł, zahadzia dapuskajučy, što hetyja dziejańni mohuć spravakavać masavyja biesparadki», — adznačajecca ŭ paviedamleńni Śledčaha kamiteta Rasii.
Artykuł 212 KK Rasii, pa jakim raspačata sprava, praduhledžvaje da 15 hadoŭ pazbaŭleńnia voli.
Nahadajem, 27 lipienia ŭ Maskvie adbyłasia akcyja ŭ padtrymku niezarehistravanych kandydataŭ u maskoŭskuju haradskuju dumu. Na akcyi zatrymali 1373 čałavieki.