U Niamieččynie znajšli partyju kakainu na miljard jeŭra
U porcie niamieckaha horada Hamburh kanfiskavali najbujniejšuju ŭ historyi Hiermanii partyju kakainu, piša The Guardian.
Hruzavy kantejnier ź nielehalnym hruzam vyjavili dva tydni tamu. Hruz prybyŭ u Hamburh z uruhvajskaj stalicy Montavidea i pavinien byŭ dalej nakiravacca ŭ bielhijski Antvierpien.
Tavar u kantejniery byŭ zapisany jak sojevyja baby. Adnak zamiest baboŭ supracoŭniki mytni vyjavili 221 čornuju sumku. U ich było 4,2 tysiačy ŭpakovak sa spresavanym kakainam — ahułam 4,5 tony. Takaja kolkaść narkotykaŭ kaštuje prykładna 1 miljard jeŭra.