U Krasnajarskim krai pačalisia vybuchi na vajennym składzie — idzie evakuacyja nasielnictva VIDEA
Adno dzicia i troje darosłych paciarpieli pry vybuchu na artyleryjskim składzie ŭ Ačynskim rajonie Krasnajarskaha kraja (Rasija), paviedamlaje RIA Novosti. TASS paviedamlaje, što adzin vajskoviec zahinuŭ.
Na terytoryi adnaho sa składoŭ zaharełasia schovišča parachavych zaradaŭ da artyleryjskich bojeprypasaŭ. Pravodzicca evakuacyja nasielnictva ŭ radyusie 20 kiłamietraŭ ad składa.
U meryi Ačynska paprasili padrychtavacca da evakuacyi ŭsich žycharoŭ horada.
Pavodle papiarednich danych, na składzie mohuć znachodzicca kala 40 tysiač snaradaŭ, u tym liku kalibra 125 i 152 milimietra.