Pravaabaroncy: padčas pratestaŭ u Rasii zatrymanyja 352 čałavieki
Takija źviestki padaje rasijski pravaabarončy partał OVD-Info. Pavodle jaho infarmacyi, 10 žniŭnia ŭ Maskvie zatrymali 256 čałaviek, u Sankt-pieciarburhu — 79, u Rastovie — 13, u Bransku i Syktyŭkary — pa 2 čałavieki.
Uvieś dzień u dziasiatkach haradoŭ Rasii prachodzili akcyi za sumlennyja vybary. U centry ŭvahi — nie tolki skandał ź niadopuskam apazicyjnych kandydataŭ na vybary ŭ Maskoŭskuju haradskuju dumu i padobnyja historyi ŭ inšych rehijonach, ale i administracyjny i kryminalny pieraśled udzielnikaŭ papiarednich akcyj za sumlennyja vybary, hvałt palicyi, aktyvizacyja inšych aficyjnych viedamstvaŭ.