U Maładziečnie ciahnik naśmierć źbiŭ 14-hadovaha chłopčyka. Toj byŭ u słuchaŭkach
Siońnia ranicaj u Maładziečnie pasažyrski ciahnik naśmierć źbiŭ 14-hadovaha chłopčyka na čyhunačnym pierachodzie, paviedamlaje pres-słužba milicyi.
Trahiedyja adbyłasia siońnia ranicaj u 10 hadzin. Vaśmikłaśnik pierajazdžaŭ čyhunačnyja šlachi na rovary va ŭstanoŭlenym miescy, pa piešachodnym naścile. Chłopčyk prapuściŭ Štadler, jaki ruchaŭsia ŭ napramku Maładziečna. Ale nie zaŭvažyŭ nabližeńnie pasažyrskaha ciahnika «Hrodna — Minsk», jaki ruchaŭsia pa sustrečnych rejkach. U słuchaŭkach jon praciahnuŭ ruch i trapiŭ pad ciahnik. Ad atrymanych traŭmaŭ padletak pamior na miescy.
Ciapier na miescy zdareńnia pracuje śledča-apieratyŭnaja hrupa.