Prahramist u Minsku naŭmysna paškodziŭ mašynu žančyny, jakaja nie chacieła addavać doŭh
Minčanka pazyčyła ŭ znajomaha i doŭha nie addavała hrošy, za što jon jaje i «pakaraŭ», paviedamlaje milicyja.
Žycharka stalicy, raźjazdžajučy pa horadzie na svajoj mašynie, nie adrazu zrazumieła, što ŭ transparcie majecca niaspraŭnaść. Kali žančyna zdahadałasia, što dzirku ŭ radyjatary chtości zrabiŭ naŭmysna, tut ža adpraviłasia ŭ milicyju.
Padazravać stali niesudzimaha inžyniera-prahramista. Jon pryznaŭsia, što sapsavaŭ čužuju majomaść. Akazałasia, što mužčyna raniej pazyčyŭ minčancy hrošy i doŭhi čas nie atrymlivaŭ ich nazad. Tady jon unačy paškodziŭ mašynu daŭžnicy.
Ciapier mściŭcu pryjdziecca pakryć škodu ŭ pamiery 1 tysiača rubloŭ. Akramia taho, načnaja vyłazka kredytora na parkoŭku atrymaje pravavuju acenku.