Daradca Trampa pa nacyjanalnaj biaśpiecy abvinavaciŭ Rasiju ŭ kradziažy technałohij hipierhukavaj zbroi
Daradca prezidenta ZŠA pa nacyjanalnaj biaśpiecy Džon Bołtan zajaviŭ, što Rasija stvaraje novuju hipierhukavuju zbroju na bazie technałohij, skradzienych u ZŠA.
Bołtana paprasili prakamientavać incydent pad Sievieradźvinskam.
Daradca prezidenta ZŠA zajaviŭ, što incydent źjaŭlajecca prykładam taho, jak Rasija viadzie raboty pa stvareńni srodkaŭ dastaŭki jadziernaj zbroi.
«Niešta tut vidavočna pajšło nie tak, ale heta demanstruje, što choć pa ekanomicy Rasija paraŭnalnaja ź Niderłandami, jana ŭsio jašče tracić dastatkova hrošaj na abaronu, kab nie tolki madernizavać svoj jadzierny arsienał, ale i stvaryć novyja vidy srodkaŭ dastaŭki, rakiety z hipierhukavym błokam, hipierhukavyja rakiety, šmat u čym skradzienyja z amierykanskich technałohij», — zajaviŭ Bołtan.