Iłžemilicyjanier u Viciebsku pradstaŭlaŭsia supracoŭnikam i pakazvaŭ bejdž
Małady čałaviek 1988 hoda naradžeńnia ŭ zvańni staršaha lejtenanta byŭ zvolnieny z orhanaŭ u 2015 hodzie pa admoŭnych matyvach: jon sfalsifikavaŭ administracyjny pratakoł. Adnak formu pakinuŭ sabie, paviedamlaje pres-słužba biełaruskaj milicyi.
Spačatku jon prakruciŭ afioru z 19-hadovym chłopcam — prapanavaŭ jamu dapamohu ŭ atrymańni paśviedčańnia kiroŭcy za peŭnuju płatu. Na sustreču pryjšoŭ u milicejskich štanach i kašuli z pahonami, a dla pierakanaŭčaści pradjaviŭ nie słužbovaje paśviedčańnie, a bejdž, jaki raniej byŭ u karystańni kožnaha supracoŭnika. Viciabčuk pieradaŭ jamu 600 rubloŭ i 100 dalaraŭ, jakija nibyta pryznačalisia dla ekzamienacyjnaj kamisii ŭ DAI.
Hetaha ž chłopca łžemilicyjanier uhavaryŭ pradać jamu ŭ rasterminoŭku mašynu, ukazaŭšy ŭ raśpiscy, što pieradaść usiu sumu na praciahu 3 miesiacaŭ. Paśla źniaćcia aŭtamabila z uliku za dva miesiacy hrošy tak i nie pastupili.
Učora afieryst byŭ zatrymany. Śledčy kamitet pačaŭ dźvie kryminalnyja spravy za padbuchtorvańnie da dačy chabaru i machlarstva.
Taksama viadoma, što mužčyna paśla zvalnieńnia z orhanaŭ milicyi byŭ asudžany za ździajśnieńnie złačynstva pa art.211 KK (Prysvajeńnie albo rastrata).