U Horadni znajšli jadry časoŭ Jahajły i Vitaŭta FOTY
16 žniŭnia hrodzienskija archieołahi padzialilisia navinoj ab znachodcy na terytoryi Staroha zamka. Na raskopie kala miesca, dzie była vieža Vitaŭta, znajšli kamiennyja jadry. Pavodle zdahadak archieołahaŭ, takimi snaradami mahli karystacca ŭ čas abłohi hrodzienskaha zamka ŭ kancy 14 stahodździa, piša Hrodna.life.
Archieołahi ličać, što jadry na terytoryi zamka apynulisia ŭ vyniku baraćby Vitaŭta i Jahajły ŭ kancy 14 stahodździa.
Padobnyja kamiennyja jadry ŭ Starym zamku znachodzili savieckija i biełaruskija archieołahi i raniej. Ciapier ich možna ŭbačyć kala harmat la ŭvachodu ŭ muziej u Starym zamku. Siońniašnija znachodki pakul što lažać niedaloka ad budaŭničaj placoŭki.