U Viciebsku padletki abkradali šapiki z marožanym
Pra kradziež marožanaha ŭ milicyju zajaviŭ indyvidualny pradprymalnik. Pavodle jaho słoŭ, skrali 173 pački marožanaha. Złodziei paškodzili zamok chaładzilnika, što mieścicca kala adnaho z žyłych damoŭ pa vulicy Bahatyrova ŭ mikrarajonie Bileva.
Złodziejami akazalisia čaćviora niepaŭnaletnich žycharoŭ abłasnoha centra, jakija trapili ŭ abjektyŭ kamiery videanazirańnia, raźmieščanaj na susiednim domie. Kampanija padletkaŭ sarvała zamok i sprytnymi ruchami ruk adpraviła źmieściva chaładzilnika ŭ pakiet. 173 pački marožanaha kaštavali 320 rubloŭ.
Jak vyśvietliłasia, padletki nie ŭpieršyniu zajmalisia kradziažom. Padobnym čynam jany skrali maroziva ŭ inšym rajonie horada.
Zaviali kryminalnuju spravu.