Łukašenka: Dziakuj bohu, što ŭ nas niama aliharchaŭ
U asnovie stabilnaści ŭ dziaržavie lažyć unutrypalityčnaja situacyja i davier ludziej da ŭłady. Pra heta Alaksandr Łukašenka zajaviŭ siońnia na naradzie pa pytańni jakaści pracy pravaachoŭnych orhanaŭ pa vyjaŭleńni i rasśledavańni złačynstvaŭ, piša BIEŁTA.
«Ja redka karystajusia roznaha rodu patetykaj i vysokimi słovami, ale siońnia chaču skazać, što naša z vami sustreča ŭ ramkach hetaj narady pavinna stać histaryčnaj. Histaryčnaj u tym sensie, što ŭ hetaj zale sabralisia ŭsie tyja, ad kaho zaležyć suvierenitet i niezaležnaść našaj krainy, u ich asnovie lažyć stabilnaść. A ŭ asnovie hetaj stabilnaści lažyć unutrypalityčnaja situacyja ŭ našaj dziaržavie i davier ludziej da ŭłady. Dyk voś u hetaj zale sabralisia ŭsie tyja, chto vyznačaje los krainy i, davajcie nie budziem kryvić dušoj, los kožnaha z hramadzian. Ad nas z vami zaležyć, jakoj budzie kraina, jak buduć žyć našy ludzi i jakimi buduć hetyja ludzi», — padkreśliŭ Alaksandr Łukašenka.
Kiraŭnik dziaržavy zajaviŭ, što paśla narady situacyja ŭ pravaachoŭnaj śfiery źmienicca kardynalna ŭ lepšy bok, buduć likvidavany ŭsie niedachopy, vyjaŭlenyja pry padrychtoŭcy da narady. «My sabralisia nie dla taho, kab dać spravazdaču adzin adnamu, a ja — skazać pryhožyja słovy pierad hramadstvam. Nas buduć vinavacić, što vybary i inšaje. Sprava absalutna nie ŭ vybarach, — źviarnuŭ uvahu jon. — My budziem kazać šmat biesstarońnich rečaŭ, prynamsi, ja nacelvaju vas na heta».
U toj ža čas Łukašenka zaŭvažyŭ, što biełaruskaje hramadstva žyvie nie ŭ vakuumie i bačyć toje, što adbyvajecca va ŭschodnich i zachodnich susiedziaŭ.
«My časta kažam: słava bohu, što heta nie ŭ nas. Dziakuj bohu, što my nie naradzili ŭ krainie kłas aliharchaŭ, jakija nie prosta razrulvajuć tyja ci inšyja situacyi, ale i rulać krainaj. My nie dazvolili bandytam i złačyncam padzialić krainu na častki, kryšavać hetyja častki, parazitujučy na našych ludziach. Heta najvialikšaje dasiahnieńnie nie tolki apošniaha času, ale ŭsiaho pieryjadu niezaležnaj Biełarusi. i heta zroblena dziakujučy toj palitycy, jakuju pravodzić ułada, i tamu, što robicie vy — pradstaŭniki pravaachoŭnych orhanaŭ», — adznačyŭ biełaruski kiraŭnik.